English version

Dar le UNESCO tá'n Ghaeilge 'i mbaol go cinnte', ach déanann príomh-stáisiúin raidió neamhaird ar amhráin a cantar i nGaeilge. Má tá na Francaigh in ann dlí a thabhairt isteach chun ceol Fraincíse a sheinnt ar na h-aertonnta, is féidir leis na h-Éireannaigh seo a dhéanamh freisin.

Táimse ag seinnt i mbuíon cheoiI le 31 bliain, tá 20 albam eisithe againn, táimid théis seinnt ag féilte móra idirnáisiúnta i 38 tír, tá ceol cumtha againn do scanáin a bhí ainmnithe do ghradaim Oscar ach fós déanann príomh stáisiúin Raidió na tíre neamhaird orainn is ad ag réitiú a gchláir seinnte. Freisin táim ag reachtáil 'An Puball Gaeilge' ag an bPicnic Aibhléiseach (EP) le 11 bhlian anois agus i mbliana theis na pod-chraolta, na cainteanna agus an fhuirseoireacht bhí 35 bhuíon ceoil ag seinnt i stíleanna éagsúla ar nós geabaireacht, rac, cór barbóireachta agus pop, go h-uile i go h-iomlán i nGaeilge

Tá ár stáisiún Raidió ar nós tuar aimsire na Breataine, cé go bhfuil ár dtír le feiscint ní luaitear logainm áite nach bhfuil faoin a sheilbh. Déanann siad neamhshuim den tír ar a dtugtar Éire cé go bhfuil sé le feiscint. Déanann na príomh-stáisiúin Raidió in Éireann an rud céanna le h-amhráin Gaeilge. Shílfeadh duine go bhfuil polasaí rúnda craoltóireachta aontaithe acu a deir nach seinnfear ach amhráin i mBéarla.

Is gá go n-athródh sé seo le gur féidir cuidiú leis an líon buíon atá ag méadú in aghaidh na bliana a chur chun cinn agus cuidiú leo slí maireachtála a dhéanamh  ag canadh ina dteanga féin. Cuideoidh seo go mór teanga atá i mbaol a thiontú go teanga atá slán.