May lapses dito sa TERMINAL FEE na P550.

Una: May batas na libre ang mga OFW ng Terminal Fee ayon sa R.A.10022, Migrants' Act, malinaw na nagsasaad na libre kaming mga ofw sa terminal fee . Bakit hindi sinusunod ang batas?

Pangalawa: Tadtad ng requirements para makapagparefund. Pera namin yan, bakit katakot-takot bago ko makuha yan na kung tutuusin, hindi ko naman kailangan magbayad.

3rd: Kung magpaparefund ka through representative dapat may Special Power of Attorney. Magkano ang magpagawa ng SPF? Tapos paparefund mo P550 pamasahe pa ng relatives na magpaparefund 

4th: Yung mga kagaya namin na nasa labas ng bansa at kumpanya ang bumibili ng ticket, embedded na daw yung terminal fee, so walang kwenta na OFW kami at exempted kasi company naman ang nagbabayad, at dahil hindi namin pera, baka sakaling di na kami magpaparefund, so mapupunta ang pera sa 'trust fund'.

5th: Yung mga kagaya ng kakilala namin na binibigay sa kanila ang pera pambili ng ticket, mababawasan ng P550 ang kanyang perang pambili. Kung ipaparefund nila punta sa MIAA Building, fill up ng forms, pipila, at ipapakita at magsusubmit ng mga dokumentos.

Ilan lamang ito sa mga dahilan, at marami pang iba.

Global OFW Voices