Marami po ngayon ang nagrereklamo sa Electric bills from March to June 2020 dahil parang mahigit o halos doble ang presyo ng bill na kanilang natanggap o nabayaran na ng iba.

Sakin personal na karanasan ang bill ko ay nadoble ang presyo, ang sabi ng Meralco isa daw sa dahilan na mas nagtatagal or naglalagi na kasi sa bahay ang mga tao simula ng ECQ. Para sa akin na dati ng Work From Home wala dapat gaanong epekto ang ECQ sa konsumo ng kuryente, idagdag pa dito ang detalye na kami lang dalawa ng aking asawa ang nasa bahay simulat sapul, kung meron man itong itataas sa konsumo ay dapat maliit lamang at lalo ng hindi ito dapat umabot sa pagka doble ng aming bill.

Marami din akong nababasa na halimbawa ng nagrereklamo tulad ng mga sumusunod:

1. Wala naman tao sa bahay/paupahan pero sobrang taas ng bill

2. Wala naman gaanong gamit o appliances sa bahay pero mahigit o halos doble ang natanggap na bill

3. Kakauwi lang galing ibang lugar/bansa ngunit pag dating ng bill nila ay napakataas din.

At marami pang iba...

Nais namin na mapansin ng Gobyerno at Meralco ang petition ng mga taong apektado sa kanilang natanggap na bill galing sa Meralco upang ito ay ma-recompute ng maayos at patas lalo na sa mga apektado. Walang problema sa pagbabayad ng bayarin basta't maayos at patas.

Hindi namin tanggap ang scripted/template na reply o paliwanag ng Meralco ayon sa mahigit o halos pag doble ng aming bill. Maraming tao ang nahihirapan na sa kasalukuyang krisis na dulot ng Covid19 naway wag na itong madagdagan pa ng pawang mali or kwestyonableng bayarin.