Main ek aam nagrik hoon jo India ki bhale ke liye chintit hoon. Mera manna hai ki humare desh mein jitni bhi samasyaayen hain, unka ek bada karan uneducated neta hain jo dharm, jati, purani soch, aur bekaar policies pe zyada dhyan dete hain. Humare desh mein agar aisi leadership rahegi, toh education, economics, aur currency jaise topics pe focus nahi ho paayega, aur hum progress nahi kar paayenge. 

Mujhe government se yeh shikayat hai ki har ek government job ke liye minimum se maximum educational qualifications mandatorily required hote hain. Lekin jab desh chalane ki baat aati hai, toh wahan bina degree ya bina kisi educational qualifications wale log baithte hain. Yeh shock ki baat hai ki koi bhi government job ke liye aapko education qualification vala hi chhaiye lekin jo MPs, PMs, home minister jaise aham positions par baithe hain, unke liye koi standard nahi hai.

Mera yeh maanana hai ki humein ek minimum benchmark set karna chahiye political leadership ke liye; jaise ki MPs, PMs aur ministers ke liye minimum qualification 12th pass honi chahiye. Sab khel, cricket aur iske alawa kisi bhi field mein yeh dekha jaye ki 10-15 saal ka field experience wale ko preference di jaye. Humara desh tabhi tarkki  karega jab humare leaders educated aur well-versed hon. Varna aise hi dharm aur jati-vitran mein biased nitiyan rahegi.

Humein ek realistic aur sustainable approach chahiye jisse humara desh sahi disha mein ja sake. Main aapse guzarish karta hoon ki iss petition ko sign karein taaki sahi leaders humein millen aur humara Bharat tarakki ki raah pe chale.