Cricket ka junoon ho, kachre ka dher nahi!

 

​Hum sab jaante hain ki Bharat mein cricket sirf ek khel nahi, balki ek jazba hai. Lekin har IPL match ke baad, hamare khoobsurat stadiums plastic ke kachre ka dher ban jaate hain. Lakhon single-use plastic cups, food packets aur sachets mitti aur samundar ko ganda kar rahe hain.

 

​IPL ki "Green Dot Ball" initiative (har dot ball par 500 ped) ek acchi shuruat hai, lekin ye kafi nahi hai. Agar hum ek taraf ped laga rahe hain aur dusri taraf stadium se hazaron kilo plastic nikal rahe hain, toh environment ka koi asli fayda nahi ho raha.

 

​Hum BCCI aur sabhi State Cricket Associations se ye maang karte hain:

 

​Free Water Stations: Stadium ke har stand mein saaf aur muft peene ke paani ke stations (RO fountains) lagaye jayein.

​Plastic Ban: Stadium ke andar single-use plastic cups aur bottles par puri tarah ban lage. Inki jagah biodegradable ya reusable options diye jayein.

​Renewable Energy: Sabhi stadiums ko solar power par shift kiya jaye taaki hamara cricket "Carbon Free" ban sake.

​Waste Management: Stadium ke kachre ko wahi par recycle karne ka system (Compost/Recycle) setup kiya jaye.

​Hum fans stadium mein sirf apne desh aur team ko support karne aate hain, environment ko nuksan pahunchane nahi. Hum stadium security ke saath sahyog karne ko taiyar hain, lekin humein ek Green aur Plastic-Free stadium chahiye.

 

​Is petition ko sign karein aur Bharat ke cricket ko hamesha ke liye 'Clean and Green' banayein!

 

"As a fan from Rajkot(Gujarat), I want to see our Khandheri Stadium lead this change for the whole country!"