Ne, qytetarët nënshkrues të këtij peticioni, dënojmë publikisht deklaratat e fundit të bëra nga gazetari Arian Çani. Përmes gjuhës së përdorur, ku i cilëson Çamët si "të pabesë" dhe deklaron se "pak t'i vrasësh, pak e kanë", ai ka kaluar çdo limit të lirisë së shprehjes, duke hyrë hapur në territorin e gjuhës së urrejtjes dhe fyerjes kolektive të një komuniteti me një histori të dhimbshme gjenocidi.

Këto deklarata janë një sulm i qartë ndaj integritetit dhe dinjitetit të shqiptarëve Çam dhe çdokujt që respekton të drejtat dhe barazinë e të gjitha komuniteteve. Fjalët kanë fuqi të madhe, dhe kur përdoren në mënyrë dashakeqe, ato mund të shkaktojnë dëme të pakorrigjueshme si në nivel individual ashtu edhe kolektiv, ndjekur nga pasojat e gjata shkatërruese për stabilitetin social.

Në një kohë kur bota po lufton për të reduktuar gjuhën e urrejtjes dhe urrejtjen kolektive, është e papranueshme që zëra publike të angazhohen në propagandimin e mesazheve që nxisin përçarje dhe dhunë. Deklaratat e tij jo vetëm që ecen përtej kufijve të etikës gazetare, por ato krijojnë precedentë të rrezikshëm për shoqërinë dhe të ardhmen tonë të përbashkët.

Kërkojmë me urgjencë që Autoriteti i Mediave Audiovizive (AMA) dhe të gjitha platformat mediatike që i japin zë Çanit të shqyrtojnë me kujdes dhe të marrin masa të menjëhershme disiplinore dhe sanksione ndaj këtij lloj komunikimi. Kërkojmë të ndajmë një qëndrim të fortë për të detyrat që mediat kanë në ruajtjen e respektit, diversitetit dhe të drejtave të njeriut mbi të gjitha.

Duke nënshkruar këtë peticion, ne kërkojmë drejtësi dhe masat e nevojshme për ndalimin e gjuhës së urrejtjes kundrejt Çamëve dhe garantimin e një ambienti të respektueshëm e të sigurt për të gjithë. Ju lutemi të nënshkruani këtë peticion për të treguar mbështetjen tuaj për këtë çështje urgjente.