Avroviziya bir janrın deyil, müxtəlif musiqi üslublarının uğur qazandığı böyük səhnədir. Son illərdə alternativ janrların yüksəlişi göstərir ki, qalibiyyətin açarı yalnız musiqidə deyil, həm də mesajda və artistin gücündədir. Azərbaycanın son illərdəki zəif nəticələri də göstərir ki, ölkə uğurlu olmadığı janrlara yönəldikcə səhnədə geri qalır. Azərbaycan üçün bu üçlüyü — musiqi, mesaj və artisti — ən yaxşı şəkildə təqdim edə biləcək sahə məhz hip-hopdur.

Son illərdə Azərbaycanda musiqi prodüseri sahəsində ən uğurlu nəticələri hip-hop verib. “Azrep” artıq özünü ölkə daxilində sübut etməklə kifayətlənməyib, sərhədləri aşan nümunələrlə beynəlxalq səviyyəyə də çıxıb. Bu janr bizə həm güclü mesajı, həm müasir səslənişi, həm də Avropada fərqlənmək imkanını verir. Peşəkar komandalarla işləyən hip-hop artistlərimiz Avroviziyada meydan oxumağa hazırdır.

Biz inanırıq ki, Azərbaycanın Avroviziyadakı yeni nəfəsi hip-hop ola bilər. Əgər siz də Azərbaycanın fərqli, güclü və yadda qalan çıxışla səhnəyə qayıtmasını istəyirsinizsə, bu təşəbbüsə qoşulun! Gəlin birlikdə Azərbaycanın səsini Avropanın ən böyük musiqi səhnəsinə hip-hopla daşıyaq!