Ako si Rommel B. Rodriguez, ang awtor ng "Kalatas: Mga Kuwentong Bayan at Kuwentong Buhay,” isang akdang nakaugat na karanasan ng mga Pilipino at nagtatampok ng mga kontemporaryong kuwentong bayan at kuwentong buhay ng karaniwang Pilipino.  Ang aklat na ito ay hindi lamang simpleng koleksyon ng mga salita. Ito ay hinabi at  pinagsama-samang mga halagahin na nakaugat sa kultura at pang- araw-araw na buhay ng mga Pilipino.

Sa nakalipas na apat na taon, ang manuskritong ito ay hindi inilabas sa publiko ng Komisyon ng Wikang Filipino (KWF). Ito ay binansagang subersibo at nagsusulong ng  terorismo. Ang pagpigil sa paglabas ng aking aklat ay hindi lamang pag-atake sa akademikong kalayaan kundi maging sa malayang pagpapahayag at malikhaing ekspresyon. Ipinagkait din ng KWF ang libro sa mga mambabasa, lalo na sa ating mga kabataan, mga guro, at mga mahilig sa kuwentong Pilipino. Isinulat ko ang  "Kalatas"  upang hikayatin ang mga mambabasa sa halaga ng kuwento bilang lunsaran ng katotohanan sa isang lipunang mapagkunwari.

Sa nakaraang budget hearing sa Kongreso ng KWF (Setyembre 18, 2026), binanggit ng KWF na wala sa kanila ang manuskrito. Ito ay pawang kasinungalingan. Nasa kanila pa rin ang printed na kopya ng aklat. Ang pagbanggit nila na ito ay binawi ko ay nasa konteksto na hindi ko  batid na ito ay nalathala na at may ISBN. Katunayan, mas nauna ang resolusyon noon ng Kongreso na ipawalang-bisa ang memo ng KWF na nagbabawal sa paglabas  ang 5 libro, subalit hindi nila ito sinunod.

Bagaman positibo ang pagbukas ng KWF na kausapin ako upang matapos na ang usapin, mahirap muling magtiwala sa isang institusyon na nag-abuso sa karapatan ko bilang manunulat. Nabanggit din sa hearing na wala daw akong karapatan na ilathala ang libro na “sole authorship” sakaling mabawi ko ang manuskrito at ilapit ito sa ibang pablisyer.

Nanawagan ako sa inyo, mga kapwa ko manunulat, guro, mananaliksik, mag-aaral at mambabasang Pilipino na samahan akong hilingin sa pamunuan ng KWF na ilabas ang "Kalatas: Mga Kuwentong Buhay at Kuwentong Bayan." Ang panawagang ito ay hindi lamang tungkol sa paglalabas ng isang aklat.  Ito ay tungkol sa pagbawi sa ating mga kuwento at pagtataguyod ng kaalamang kultural.  Kapag pinalampas natin ang pagbabawal, maaari nila itong ulit-ulitin! Sa paglagda sa petisyong ito, makatutulong tayong  isulong ang karapatan ng manunulat na Pilipino na lumikha. 

Paalalahanan natin ang KWF sa kanilang mandato na itaguyod at palaganapin ang ating pambansang wika, panitikan, at kultura.

-----------------

I am Rommel B. Rodriguez, writer, unionist, and human rights advocate. I’m the author of the book “Kalatas: Kuwentong Bayan at Kuwentong Buhay” a book rooted in the daily experiences of Filipinos and features contemporary fokltales and life stories. This anthology is not just a simple collection of words, but a work that has woven collective values of Filipinos rooted in our culture.

For the past four years, this book has not been released to the public by the Komisyon ng Wikang Filipino (Commission on the Filipino Language). The manuscript has been labeled as subversive and incites to sedition. Prohibiting the release of my book is a direct attack on academic freedom and freedom of expression. The Komisyon sa WIkang Filipino deprives the book of its readers, particularly the youth, teachers and readers of Filipino stories. I wrote “Kalatas” to engage the readers of the value of stories for truth-telling.

In the previous budget hearing in Congress of the KWF (September 18, 2026), the KWF declared that they do not have the manuscript. This is a complete lie. They have copies of the printed book, held hostage in their warehouse.  The context of my earlier withdrawal of the book contract is that I was not told that the book was already published and has an ISBN. In fact, the Philippine Congress resolved to repeal the KWF memo which prohibits the publication and circulation of the 5 books, but KWF did not comply.

The KWF is open for a dialogue to end the issue but it is difficult to trust the system that abused my rights as a writer. It was also mentioned in the budget hearing that I do not have the rights to publish the book on sole authorship.

I call on my fellows writers, teachers, researchers, students, and readers to join me in demanding the KWF leadership to release “Kalatas: Mga Kuwentong Buhay at Kuwentong Bayan.” This campaign is not just about releasing a book, it’s about reclaiming our stories and promoting cultural knowledge. Let us not allow for  KWF to get away with the banning. By signing the petition, we can help promote the rights of Filipino writers to create.

Let us remind KWF of its mandate to promote our national languge, literature, and culture.