Ang karapatan ng kababaihan ay napakahalaga sa ating lipunan dahil laganap na nga sa ating lipunan ang magmamaltrato, pagmamalupit, walang katarungan at ipinagkait ang kaukulang karapatan bilang tao. Ang lahat ng babae ay may karapatang maging ligtas sa lahat ng uri at anyo ng pang-aabuso at karahasan —pisikal, sekswal, emosyonal at mental.

     Maraming insidente na ang laganap ngayon na may kinalaman sa kababaihan, isa na dito ang tungkol sa SEXUAL HARASSMENT na kadalasang biktima ay ang mga babae. Ang Sexual Harassment ay isang seryosong bagay na dapat pagtuunan ng pansin ng karamihan. Maraming mga babae ang nararanasan ito ngunit piniling manahimik na lang.

      Nalaman natin na hindi lamang ang mga kalalakihan ang mayroong mga batas para maalagaan o protektahan sila,dahil dapat rin may batas para mapangalagaan ang mga babae. Upang magkaroon ng pagkakapantay-pantay tayong lahat.

    Ito ang ilan ng mga naglalayong mangalaga at protektahan ang kapakanan ng kababaihan.

Magna Carta for Women (MCW) na kilala rin bilang Republic Act No. 9710.

    Karapatan ng mga kababaihan sa lahat ng aspekto sa lipunan, pinangangalagaan nito ang kapakanan  ng mga babae.

Anti-Sexual Harrassment Act of 1995 Republic Act No. 7877

    Alin mang seksuwal na pang-aabuso at mga gawaing nakakapagpababa ng moral ng babae ay mananagot sa ilalim ng batas na ito.

Anti-Rape Law of 1997 Republic Act No. 8353

     Pambubugaw, rape, sa pilitang pakikipagtalik at ano pa mang naghahatid ng di pagsang-ayon o pamimilit sa aspeto ng pakikipagtalik ay lubos na ipinagbabawal sa batas na ito.