Como é ben sabido por todas e todos, este ano 2020 por mor da COVID-19 foi un ano en branco en case todas as áreas sociais e tamén en canto a deportiva.

Unha inmensa maioria dos e das atletas galegos non puiemos facer uso dos servizos que ofrece a ficha federativa, pois entre confinamento, restriccións e as medidas ditaminadas para frenar a propagación do virus, a vida deportiva mermou considerablemente cancelandose todo tipo de probas, incluso ás oficiais organizadas pola FGA. Polo tanto a federación tivo un importante aforro na organización destas e os seguros estiveron sen validez durante os dous meses que durou o confinamento.

Con un futuro bastante incerto e un calendario 2021 totalmente parado e sen trazas de mellorar con respecto a este 2020 instamos á federación a que reinvirta os cartos aforrados en aumentar o periodo de validez da ficha federativa deste ano 2020.