Í skugga mannréttindabrota í USA reynir núverandi aðstoðamaður innanríkisráðherra og áhrifamaður í Sjálfstæðisflokknum að grafa undan frjósemisréttindum kvenna og leghafa yfir eigin líkama. Honum er ekki treystandi til að sitja vörð um réttindi okkar og er þar af leiðandi óhæfur starfi sínu.

Sjálfur kaus Brynjar gegn frumvarpi þáverandi heilbrigðisráðherra um þungunarrof árið 2019. Athygli vekur að þeir einu sem kusu gegn frumvarpinu voru ekki með leg eða ekki lengur á barneignaraldri en telja sig samt hæfa til taka ákvarðanir um frjósemisréttindi annara. 

En eitthvað hefur endurvakið áhuga hans á málefninu því að núna varpar hann efasemdum um jafnvel réttindi fólks til þungunarrofs yfirhöfuð! 

STÖNDUM VÖRÐ UM GILDI OKKAR OG RÉTTINDI - NÚNA ER TÍMINN!  

Hans orð: 

"...Hæstiréttur Bandaríkjanna er einfaldlega að segja að þungunarrof sé ekki stjórnarskrárvarinn réttur heldur er það kjörinna fulltrúa að ákveða með lögum réttindi til þungunarrofs og reglur þar um..."

"...Ég vil taka það fram að þótt ég telji niðurstöðu hæstaréttar Bandaríkjanna rétta er ég ekki á móti fóstureyðingum eða þungunarrofi og hef aldrei verið. Ég tel það mikilvæg réttindi leghafa þótt það séu ekki mannréttindi í eiginlegum skilningi..." 

"... Enginn ágreiningur um það [rétt til að eiga barn eða ekki]. En á það skilyrðislausan rétt á að aðrir eyði fóstrinu eða barninu og það á kostnað skattgreiðenda?"