آخر مستجدات حملة #وقف_مؤتمر_اسوان و خطوتنا الجاية
تم نشر رسميًا بإلغاء المؤتمر علي الموقع الرسمي للمؤتمر وتم اغلاق موقع بيع التذاكر و طُلب ممن اشتروا التذاكر الواصل لرد التمن
تم إعلان أن المؤتمر هيقام في أمريكا بدل من أسوان
لحد اللحظة مفيش تعليق من جانب الوزارة باي شكل
انتوني براودر أغلق حسابه علي تويتر و فيسبوك
أنتوني براودر للي ميعرفوش لسه هو احد أبرز الشخصيات في حركة الافرو و احد منظمين المؤتمر في مصر، بيتردد علي مصر بشكل دائم و مستمر من سنين و له صور مع وزير الآثار و السياحة المصري الدكتور خالد العناني وهو الأمين العام للمجلس الأعلى للآثار وهو دكتور مصطفى وزيري و كمان له رخصة بالتنقيب عن الآثار في مصر و هو مهتم تحديدًا بالأسرة ال٢٥ الكوشية
حابين نشكر كل فرد و صفحة كبيرة أو صغيرة ساهم معانا للوصول للحظة العظيمة دي و شكرًا ل١٢٨٢ شخص حتى اللحظة وقعوا معانا اللي من المفترضل
:One Egypt تم الاعلان عن مؤتمر
المؤتمر مفترض هيحضر فيه وزير الشباب و الرياضة يوم ١٧/٣ الجاي للرد علي إدعائات المركزية الأفريقية و هيحضر فيه برضه نخبة من الاثريين و المثقفين و هو من تنظيم مجموعات طلابية و Greek Campus شبابية من الجامعات المختلفة و المكان هيكون و الحضور مجاني و هيتم بث مباشر علي وسائل التواصل الإجتماعي للكل
حابين نأكد ليكم إن دي مجرد بداية مش النهاية حيث تم الاعلان عن مؤتمر آخر في غرب أفريقيا هيحضره علماء مصريات عشان يحاولوا يثبتوا وجود رابط بين مصر و وادي النيجر
زي ما انتوا شايفين الفكر ده مش هييأس ولا هينتهي من بث أفكاره الباطلة ولا احنا كمان هنقف
لذلك احنا مكملين معاكم هنا في حملة التوقيعات لحد يوم ٢٥ الجاي بنطالب بوقف استقبال اعضاء منظمة المركزية الأفريقية تماما في مصر
و بنعلن عن احتجاجنا الرسمي لوزارة السياحة و الاثار علي صمتها و استقبالها لمزورين التاريخ المصري و ترخيصهم للتنقيب عن الآثار في بلدنا
- لذا بندعو كل متابعينا إنهم يشاركونا في حملتنا الإحتجاجية علي #اعتز_بمصريتك و اللي فيها هنعمل الآتي:
فيديوهات قصيرة جدًا متتعداش ال١٠ ثواني ل ١٥ ثانية هدفها الأساسي هو
التأكيد علي الإعتزاز بمصريتنا والإعتزاز بهويتنا المصرية و تاريخنا و حضارتنا و تراثنا المصريا
التأكيد علي رفضنا لإستقبال منظمات المركزية الأفريقية في مصر
رفض تزوير تاريخنا ورفض العنصرية و خطاب الكراهية تجاه الأفارقة ككل
الفيديوهات ممكن تشاركوها بالانجليزي و العربي ونص الفيديو المقترح للي هيشارك معانا:
"انا مصري اعتز و افتخر بمصريتي و بتاريخي و حضارتي و تراثي و هويتي و ارفض استقبال منظمة المركزية الافريقية في مصر و بنأكد اننا كلنا بنرفض للعنصرية تجاه الأفارقة ككل و إننا مش هنسمح بتزوير وسرقة تاريخنا"
English:
"We protest against welcoming Afro-centric groups to Egypt, We are Egyptians and We are proud of our history, our civilization, our heritage and our identity, and we refuse racism against Africans but we will not allow our history to be falsified and stolen."
شارك معانا احنا قطعنا شوط ضخم سوا، قولهم انك مصري بتعتز بنفسك علي هاش #اعتز_بمصريتك
و استنوا مننا سلسلة بوستات توعوية الفترة الجاية شكرا ليكم مرة تانية
هنسيبكم مع فيديو لدويتش فيلا الالمانية عن المنظمة
#القومية_المصرية
#وعي_مصر