آخر تطورات حملة #وقف_مؤتمر_أسوان

لأول مرة جريدة مصرية تفتح الموضوع إلكترونيًا و ورقيًا علي موقعها الالكتروني و هي جريدة البوابة نيوز و حابين نشكر نوران الصاوي كاتبة المقال و الجريدة علي دعمها و بفضلهم الناس هتقدر تبحث عن "المركزية الأفريقية" أو الأفروسنترك و تلاقي محتوى بالعربي بعد ما كان منعدم تمامًا و كل ده أكيد بفضل مجهودات شبابنا القومي

الدكتورة "سولانج أشبي" لغت تذكرتها في المؤتمر وقفلت حسابها بتاع التويتر و بتدعي إنها تلقت تهديدات علي الهاش تاج الإنجليزي

نِزل علي صفحة "أنتوني براودر" أحد أبرز منظمين المؤتمر صورة بدون أي تعليق رسمي، محتواها صورة للمؤتمر و مكتوب عليها إنه تم الإلغاء و بيطلب من اللي كانوا مخططين يحضروا التواصل علي الإيميل لمزيد من التفاصيل akhettours@gmail.com

لحد اللحظة مفيش تعليق رسمي من أي مسؤول مصري أو جهة رسمية تأكد أو تنفي الخبر

الموقع لحد اللحظة ما زال قائم بإعتبار إن الرحلة السياحة قائمة و لكن المؤتمر هو اللي إتلغى فقط

ولذا و بناءً علي اللي فات حبينا نشكر مجهود كل واحد فيكوا وصّلنا للنقطة ديه و بنأكد إننا مش هنوقف الحملة إلا بتصريح رسمي سواء مصري أو بإلغاء الحدث تمامًا علي الموقع الخاص بمنظمين المؤتمر

إتضح إنهم بينظموا رحالات سنويًا لمصر بمجموعات صغيرة بييجوا ياخدوا لقطة قدام الآثار المصرية مع كلام كاذب و إدعائات عنصرية و مزيفة تجاه التاريخ المصري و ينشروها الموضوع ده كان قائم علي مدى أكتر من ٨ سنين

الأكيد إن صوتنا كلنا كقوميين مصريين بقى مسموع و ملحوظ علي كافة الأصعدة و صفحات القومية المصرية زي وعي مصر و قومي و القومية و بفضل مجهودات الشباب علي كافة منصات التواصل الإجتماعي قدرنا نحرك أمواج و نوصل صوتنا لجزء كبير جدًا من الناس

حابين نقولكم إن حتى لو تم إلغاء المؤتمر و الرحلة السياحية بشكل رسمي فديه مجرد خطوة علي الطريق و معركة في حرب ثقافيًا كاملة كلنا هنكون فيها بمثابة الدرع و السيف بعد سنين طويلة من الركود الثقافي في الوعي القومي و الجمعي

"تم تغيير الهدف الرئيسي من "الغاء مؤتمر اسوان العنصري الى "منع دخول منظمين مؤتمر اسوان العنصري من دخول مصر"

إنتظروا من هنا خبر إنتصارنا بشكل رسمي و إستمروا في الحملة حتى آخر لحظة

#القومية_المصرية

#وعي_مصر