LARRIALDI KLIMATIKOAN bete-betean sartuta gauden aro honetan ezinbestekoa da Administrazioen erabakiek kontuan izatea basogintza industrialaren kalteak, BIOANIZTASUNAren arloan, bereziki.
      Orain arte, EAEn, gauza bat esan eta bestea baimentzen aritu dira agintariak; horren adibiderik nabariena da pinuaren gaixotasunari eukaliptoaren landaketarekin erantzutea. Onartezina da.
      Testuinguru horretan, ikusita aldaketak beharrezkoak eta posibleak direla, hainbat herritan BASO BIZIAK izeneko talde anitzak sortzen ari dira, bertako baso bizien alde. 
       Krisi hau GLOBALA da, baina guri erantzun lokalak ematea dagokigu, bai antolakuntzan zein alternatibetan, gure udaletatik hasita.       

     BESTELAKO BASOGINTZA-EREDU BAT bultzatu nahi dugu, baserritar, lurjabe, herritar eta Administrazioen artean, elkarlanean eraikitakoa eta MONOLABORANTZATIK kanpo.  
       2018an EAEko Administrazioak eskatutako Ikerketa zientifikoaren emaitzak kontuan hartuta, ozenki eskatzen diogu Jaurlaritzari eukaliptoa espezie arrotz inbaditzaileen zerrendan sar dezan. Bitartean EUKALIPTOARI MORATORIA jartzea ezinbestekoa da. 

(Traduccion en Actualizaciones )