Kötturinn Diegó hefur lengi verið dyggur starfskraftur í verslunum Skeifunnar. Hann hefur haft umsjón með andyri Hagkaupa lengi vel og stýrir þeirri deild af miklum dugnaði, nú hefur hann hinsvegar sýnt áhuga á að bæta við sig ábyrgð og sinna störfum inní búðinni sjálfri. Þetta er því miður ekki hægt en Diegó getur heldur ekki haldið áfram að vinna einungis í andyrinu þar sem er kalt og lítil starfsfríðindi. 

Það er því nauðsynlegt að hann fái sitt eigið bæli með einhversskonar hita í, mögulega væri hitamotta sniðug fyrir hann. Þessu þyrfti að koma fyrir fram í andyri svo að hann geti haldið áfram vinnu sinni óháð íslenska veðurlaginu og kuldanum.