Somos un grupo de veciños/as do concello de Ponteceso que non se rexe por ningún partido ou idea política, senón que estamos comprometidos e preocupados polo pobo no cal pasamos as nosas infancias e continuamos a día de hoxe disfrutando.

A finais da semana pasada creamos unha recollida de firmas virtual na plataforma de change.org para intentar mostrar o noso malestar ante a situación que se está a vivir no noso concello dende hai xa varias semanas. Como somos coñecedores de que dos máis de 5.500 veciños de Ponteceso, non todos teñen acceso, decidímonos a explicar brevemente nun medio tradicional as causas e os obxectivos deste movemento.

Vistas as actuacións constantes de agravio do concello contra todos os veciños/as, o rexeitamento do pago de facturas a autónomos e rematando coa lamentable decisión de non aprobar no pleno o POS, tras tres intentos fallidos, consideramos que se alcanzaron límites que nunca se deberían haber chegado, xa que demostran unha nula capacidade de diálogo para alcanzar acordos que son beneficiosos para o pobo e para todos/as os veciños.

Todos eses cartos que non se pagaron e se deixan de recibir repercuten directamente nas nosas vidas, xa que se perden postos de traballo do concello, obras, servicios, etc. que son necesarios ou melloran ás infraestructuras e o funcionamiento de Ponteceso. E que por culpa dos concelleiros/as que eleximos como os representantes do pobo, non imos poder recibir, pois parécenos totalmente fóra de lugar.

Por estos motivos, o noso principal obxectivo con este movemento veciñal é exercer presión ós concelleiros/as para que se poñan de acordo, impere o sentido común e a responsabilidade e acepten unha proposta para recibir o POS e realizar o pago das facturas pendentes. De non ser así, apelamos a conciencia veciñal para facernos oír e non permitir esta agresión cara todos nós, xa que non merecemos este trato tan lamentable e irresponsable por parte dos nosos dirixintes, a quenes parece que necesitan que lle recordemos que o pobo foi quen os puxo aí e débennos un servizo digno e á altura do noso concello e de todos/as os/as que nel viven.

E para iso, necesitamos que o pobo se entere e alce a voz. Necesitámoste a ti, que estás lendo esto, para poder rematar con esta situación dunha vez por todas. Que nos escoiten. Que estamos fartos de que miren polos seus intereses. Que prioricen as súas rencillas persoais e deixen a un lado o que debería ser o seu obxectivo: buscar o mellor para Ponteceso.

Si estás dacordo con isto, nos próximos días terán a posibilidade de firmar nalgúns locais de Ponteceso este escrito. Únete á causa e demostremos que podemos ser un pobo unido!

Asinado:

Somos mais de Ponteceso que Pondal

Xurxo Souto López
Lorenzo Amado Dourado
Yago Fernández Duarte
Daniel Valle Pailos
Laura Amado Dourado
Sinaí Varela Lema
Sergio Fariña Corral

https://www.facebook.com/somosmaisdepontecesoquepondal

https://www.lavozdegalicia.es/noticia/carballo/ponteceso/2021/03/21/aos-politicos-ponteceso/0003_202103C21C6992.htm