L-Arloġġ tal-Knisja Kolleġġjata tagħna nħadem fl-1878 minn Mikelanġ Sapiano, ilu għal dawn  is-snin kollha jsemma leħnu lejl u nhar u jimmarka ħinijiet partikulari matul il-ġurnata. Għal ħafna minn missirijietna dan kien il-mezz kif jirregolaw il-ħajja tagħhom. Xi snin ilu sar invenstiment biex dan l-arloġġ ġie restawrat ħalli jkompli jitgawda. Dan ir-restawr tħallas mill-poplu ta' Ħal Qormi. Illum dan l-arloġġ huwa parti mill-kultura ta' din il-Belt Pinto.  

Dan l-aħħar il-parroċċa irċeviet ilment mingħand familja li qed titlob li l-arloġġ tal-Knisja jitwaqqaf b'mod partikular għal ħin ta' matul il-lejl (10pm-6am).

Aħna qed nfittxu s-sapport ta' bosta biex l-arloġġ li huwa parti mill-Kultura tagħna ma jieqafx. Jekk jieqaf dan illum, għada jitwaqqfu affarijiet oħra (qniepen, nar, baned, etc) li mhux kulħadd japprezahom u jifhmhom bħala parti mill-identita u l-kultura Maltija.

Jekk trid li jiġi mħares dan il-wirt u wirt ieħor bħalu, iffirma din il-petizzjoni, biex dak li irċevejna mingħand missirijietna nkunu nistgħu ngħadduh wkoll lil ġenerazzjonijiet ta' warajna.