Sa Alibadabad National High School sa Disulap, San Mariano, Isabela, nagiging pabaya ang ilang estudyante sa pagsunod sa tamang alituntunin ng paaralan. Ang Lunes ay dapat nakatalaga na magsuot ng tamang uniporme, ngunit napapansin na maraming estudyante ang pumapasok na suot ang ordinaryong dami’t at hindi sumasalamin sa tamang disiplina ng paaralan.

Ang pagsusuot ng tamang uniporme ay hindi lamang patakaran ng paaralan kundi simbolo rin ito ng respeto sa ating paaralan at pagkakaisa sa mga mag-aaral. Mahalaga ito upang mapanatili ang pagkakakilala ng paaralan bilang isang institusyon na disente at maayos. Sa pamamagitan nito, mas nai-aangat din ang antas ng pagbibigay halaga sa edukasyon at disiplina sa sarili ng kabataan.

Naniniwala kami na ang tamang pagsusuot ng uniporme ay nagtuturo ng kaayusan, propesyonalismo, at disiplina, na mahalagang aspeto ng edukasyon na dapat nakagisnan ng bawat mag-aaral.

Inihihingi namin ng aksyon ang mga awtoridad ng paaralan na mas paigtingin ang mga patakaran ukol dito at magkaroon ng mas maigting na pagsubaybay upang masiguro na ang bawat mag-aaral ay sumusunod. Nawa'y isulong natin ang tamang disiplina at pamantayan sa ating paaralan upang maging huwaran ito sa iba.

Suportahan natin ang hakbang na ito sa pamamagitan ng pagbibigay ng iyong pirma sa petisyong ito. Umaasa kami sa iyong pakikiisa at malasakit para sa ikabubuti ng ating paaralan.