Në datën 30. 07.2020, kryeministri i Shqipërisë, në seancën plenare të parlamentit shqiptar, nuk hezitoi të deklaronte : - “Babai im ka qenë komunist, si shumë të tjerë, dhe ka qenë në anën e duhur të historisë.”

https://www.youtube.com/watch?v=rgJZk0uXJ0c

Me ktë deklaratë, kryeministri Rama mohon dhe injoron Krimin Komunist më të egër që ka njohur Europa lindore. Me ktë deklaratë Kryeministri Rama, trazon një plagë që ende kullon gjak. Me ktë deklaratë Kryeministri Rama, I fryn një zjarri vëllavrasës midis shqiptarëve, duke vepruar në të njëjtën mënyrë si paraardhësit e tij.

I kujtojme zotit Rama, dhe Juve të nderuar zotërinj se :

Babi I zotit Rama, vetëm dy vjet para se të rrëzohej regjimi komunist, nuk hezitoi të vinte firmën për varjen e poetit HAVZI NELA. Pra babai i tij është një vrasës, nuk ka si të jetë në anën e duhur të historisë. Ju kujtojmë se regjimi komunist ekzekutoi 5037 burra dhe 450 gra. Në kampet e përqëndrimit komunist u dërguan 19250 persona. Në kampet e internimit 48217 burra dhe 10792 gra. Kto janë shifrat zyrtare, por ka shumë që nuk ekzistojnë në regjistra. 6000 persona rezultojnë ende pa varr. I kujtojmë zotit Rama, se krimi komunist nuk hezitoi të pushkatonte gjithë elitën e deputetëve në vitin 1946. Shumë prej tyre ishin firmatar të pavarësisë të Shqipërisë. Pra nuk ka anë të duhur të historisë nga kriminelë komunistë.

Në 29 vjet të parlamentit pluralist, janë miratuar vetëm  2 rezoluta

1-     Tetor 2006 « për dënimin e krimeve të kryera nga regjimi komunist në Shqipëri »

2-     Rezoluta : « për dënimin e krimeve të komunizmit ndaj klerit, si dhe mirënjohje e veçantë për rolin dhe veprimtarinë e klerikëve  në mbrojtjen e vlerave demokratike dhe të drejtave dhe lirive themelore të njeriut »

Pra, zoti Rama, me vullnet të lirë po kundërshton  rregullat dhe mohon krimin komunist. Zoti Rama i di mire ligjet e BE, për liritë themelore të njeriut, dhe dënimin e krimeve kundër njerëzimit, të cilat parlamenti nuk ka hezituar ti retifikojë. Krimi Komunist është klasifikuar si genocid. Nuk ka anë të duhur të komunizmit.

https://edjathta.wordpress.com/2019/10/16/rezoluta-e-parlamentit-evropian-19-shtatorit-2019-mbi-rendesine-e-kujtimit-evropian-per-te-ardhmen-e-evropes/

Shqipëria është ende në diktaturë ! Ende glorifikohen krimet e së kaluarës dhe asnjë përpjekje nuk ka për të bër drejtësi. Shumë kriminelë të asaj kohe kanë ende dekorat e regjimit, sepse s’ka asnjë ligj për tua hequr. Shumë kriminelë të asaj kohe jetojnë pa asnjë kokëçarje si aziliantë dhe qytetarë europianë. Asnjë përpjekje nuk ka për tu dhënë drejtësi viktimave të tyre, të cilët ende jetojnë në po ato kasolle internimi.

 

A është vallë kjo Europa ku aspirojmë të hyjmë ??

Ndihmoni shqiptarët të heqin diktaturën dhe viktimat e holokaustit komunist të kenë drejtësi !