Nel añu 2011, gracies a qu'entamé una campaña de correos electrónicos y presión en redes sociales consiguí que la compañía de tresportes ALSA emplegara la toponimia asturiana. Yo mesmu encarguéme d'apurri-yos el llistáu de topónimos qu'habríen d'emplegar y, siete años depués, cuando too funcionaba con normalidá, la empresa ta acabante de llendar a 10 caráuteres los nomes de los billetes impresos polo que la toponimia asturiana desapaez.

Nun hai nenguna xustificación posible pa eliminar de los billetes nomes que veníen apaeciendo con normalidá.

ALSA ye una empresa privada, pero con una concesión pública pal tresporte cuasi de manera esclusiva en toa Asturies. Por favor, recapaciten y vuelvan a usar nomes como Oviedo/Uviéu y Gijón/Xixón.