衷心多謝大家支持

各位903晴朗聽眾朋友，大家好：

首先，多謝大家參與 “請求潘小濤繼續主持903晴朗繼續為香港人帶來歡笑” 網上聯署。

用咗剛好一個星期時間，目前收集到超過1000位聽眾既簽名，除咗大部份香港聽眾以外，分別有來自美國、加拿大、英國、澳洲、紐西蘭、 新加坡、澳門、台灣、印度既晴朗聽眾參加呢個聯署。衷心多謝大家支持。

發起呢個聯署既初衷係希望小濤可以繼續主持903晴朗。但隨住過去一個星期既沉澱，睇黎要挽留小濤已經好難（當然都好希望有奇蹟出現）。不過，我相信大部份參加呢個聯署既朋友同我一樣，就算明知道無可能，都依然選擇簽名既原因，更多都係想表達對小濤既支持同祝福。希望在不久既將來，我地可以再次喺大氣電波中聽到小濤既聲音同笑聲。

下一步，我會將所有收集到既簽名同大家既留言export出黎，透過facebook提交俾小濤同埋903晴朗團隊，等小濤收到大家既心意。

參加呢個聯署既朋友，大家都係好人。祝大家身體健康，好人一生平安。

香港人加油。