Еден архитектонски објект од селото Бучин, Крушевско, е споменик на културата каков ретко може да се сретне на друго место во Македонија. Се работи за стар мост на Црна Река, (Еригон во античко време), кој со векови, веројатно, и милениуми му одолева на времето и разновидните закани од уривање.

Се претпоставува дека некогашната "Виа Егнација" поминувала токму тука.

Денес, стариот камен - мост стои до новизградениот модерен мост, неговото значење како историски и културен симбол на Македонија не смее да биде изоставено.

Затоа, ја стартуваме оваа петиција за да ги "пробудиме" локалните власти за превземање на соодветни мерки за задржување и заштита на камениот мост во село Бучин! 

ВАЖНО!!!

Секакви видови на коментари со политичка содржина, ширење на омраза и раздор од типот: леви - десни, црвени - сини - зелени, се ⚠️НАЈСТРОГО ЗАБРАНЕТИ⚠️ и ќе бидат непосредно отстранети!!! 

Петицијата е со една цел, за зачувување на културно-историското наследство, а не простор за расправања, навреди, препукувања и омаловажување, поточно која влада што и колку направила!

Зедно сплотени можеме повеќе! 

Потпишете ја и споделете ја оваа петиција по социјалните мрежи, така најдобро ќе ја изразите вашата поддршка за спасување на камениот мост во село Бучин.

Ви благодариме!