2ª demanda: instrución unificada de inspección e data límite

⚖️  A día de hoxe, non dispoñemos dunha normativa clara a este respecto. Reclamamos, por tanto, unha instrución unificada que obrigue aos institutos a tramitar a solicitude de grupos reducidos antes do 15 de xullo. 

👁️‍🗨️  Demandamos, asemade, unha revisión de oficio en XADE para evitar que se oculten ou borren as materias de Clásicas nos sobres de matrícula.

🙋‍♀️ O alumnado non pode ser perxudicado pola incerteza e a opacidade. Ninguén pode obstaculizar o seu dereito á libre elección de itinerario ou materias.

📣  Reclamamos que se deixe de penalizar de forma subrepticia ao alumnado por facer a escolla consciente das clásicas na súa formación.

🫂 Queremos reiterar a nosa gratitude pola colaboración. Vós sodes parte do cambio.

🏛️ Clásicas en pé 🏛️