З 1984 года ў Мінску (раён Чыжоўкі) дзейнічае заапарк, які карыстаецца пэўнай папулярнасцю ў гараджан і гасцей сталіцы. Але ён не асацыюецца з сусветна вядомымі людзьмі, што змяншае яго каштоўнасць як турыстычнага аб'екта.

У верасні 2019 г. памёр сусветна вядомы лідар Роберт Мугабэ, які кіраваў Зімбабвэ звыш 30 гадоў. Як сказана ў афіцыйным спачуванні кіраўніка Беларусі, "Ушел из жизни человек, который сделал неоценимый вклад в обретение независимости и укрепление зимбабвийского государства, повышение авторитета и влияния вашей страны на Африканском континенте и международной арене. Добрая память о нем навсегда сохранится в наших сердцах". Трэба перайсці ад слоў да справы і назваць мінскі заапарк у гонар Мугабэ! Гэта, безумоўна, прыцягне ў наш край дадатковых турыстаў, асабліва з роднага кантынента нябожчыка. Развіццё ж турызму з'яўляецца, як вядома, адным з прыярытэтных напрамкаў сацыяльна-эканамічнага развіцця Рэспублікі Беларусь.

У Мінску ўжо некалькі гадоў існуе парк імя Уга Чавеса, былога кіраўніка Венесуэлы. Яго наяўнасць сведчыць пра поспехі шматвектарнай палітыкі Рэспублікі Беларусь, а заапарк імя Мугабэ будзе новым сведчаннем названых поспехаў!