A música é recoñecida por moitos ámbitos como un elemento fundamental e enriquecedor na educación das nosas nenas e nenos. Paseniñamente, ano tras ano, a oferta PUBLICA de ensinanza oficial na cidade de Ourense  estase vendo recortada dende a Consellería de Educación, sen mais explicación que os "recortes" presupuestarios e a suposta incapacidade para contratar mais personal.

Dende fai anos evidénciase unha grande demanda de alumnado no CONSERVATORIO DE MÚSICA DE OURENSE (CMUS) : 120  solicitudes este ano (http://www.conservatoriourense.org/almacen/relacion_inscritos_acceso_1__ge.pdf)  para unha "oferta" de 23 plazas (4 de piano, 1 de percusion, p.ex...) ,oferta   "insultante"  se temos en conta que Ourense é o terceiro núcleo poboacional de Galicia.

 Os nenos e nenas que queren non poden estudar música na súa cidade, salvo pagando en academias privadas . Os  músicos formados que poderían acceder a prazas de profesorado teñen que emigrar.

Non me parece xusto, como pai, que o meu fillo non poida optar a aprender o instrumento que lle gusta, ou que o teña que facer pagando cifras desorbitadas en centros privados, algúns de dudosa cualificación, estos si, auspiciados e promocionados dende a propia Consellería que pagamos entre todas.

Os propios profesores e xunta de personal do centro están "batallando" coa Consellería, mais pídovos que suscribades a petición no nome dos meus / vosos fillos.  Mais música e menos negocio, por favor.