Ali Məhkəmənin Plenum iclasında Real sədri İlqar Məmmədova bəraət verilib və qanunsuz həbsdə saxlanıldığı müddətdə ona dəymiş mənəvi ziyana görə 234 min manatdan artıq kompensasiya təyin edilib.

Keçmiş Vəkil Xalid Bağırov İlqar Məmmədovun müdafiəçisi olarkən məhz bu gün Ali Məhkəmənin Plenumu tərəfindən qərarı ləğv edilmiş Şəki Ağır Cinayətlər Məhkəməsi barədə Şəki Apellyasiya Məhkəməsində “Azərbaycanda ədalətli məhkəmə yoxdur, olsaydı belə qərar verilməzdi” dediyi üçün Vəkillər Kollegiyasından xaric edilmişdi.

Ali Məhkəmə İlqar Məmmədovla bağlı verdiyi bəraət qərarı ilə Şəki Ağır Cinayətlər Məhkəməsinin İlqar Məmmədov barəsində çıxardığı hökmünü də ləğv edərək həmin hökmün qanunsuz və ədalətsiz olduğunu elan etdi. Ali Məhkəmə, beləliklə, Xalid Bağırovun həmin vaxt səsləndirdiyi fikirləri təsdiqlədi.

Bu səbəbdən vəkil kimi Xalid Bağırov Kollegiyaya bərpa olunmalı və itirdiyi fəaliyyət dövründəki ehtimal qazancı hesablanıb geri qaytarılmalıdır!