Renfe discrimina a Ourense coa recente supresións de trens e de cambio de horarios. Comezou  coa supresión do tren das 6:45h Ourense-A Coruña que afectou moi negativamente a funcionarios e traballadores que ían a Coruña e Santiago respectivamente e entraban a traballar ás 8h da mañá. A continuación suprimiuse o tren de volta de Santiago a Ourense das 15:30h da tarde dos venres. E por último cambio de horario dos trens que regresan de Santiago ás 17h que agora volverá ás 16h e o das 20:30h que pasa ás 20:10h.

Renfe debe pensar que os trens so se usan para facer turismo. Pero hai moitos cidadáns de Ourense que grazas a coller o tren poden vivir en Ourense e traballar en Santiago ou  A Coruña. Porque cada persoa traballa onde pode e o que conseguen con eses cambios e supresión de horarios é que cada vez menos xente poida buscar un futuro é vivir en Ourense. Renfe prima a comunicación con Madrid que normalmente non se usará para ir a traballar antes que a comunicación interior de Galicia da xente traballadora e estudantes que grazas a un bo servizo de trens podería solucionar as súas vidas.

Por iso solicitamos cambiar a hora de saída do futuro tren a Madrid para un pouco máis tarde ou aumentar as frecuencias dos que unen Coruña e Ourense e viceversa con horarios axeitados a vida laboral dos cidadáns (normalmente 7-8 horas diarias) que son os que utilizan o tren a diario para conciliar a súa vida laboral. E razoable e de xustiza cos e as cidadáns de Ourense.