OFT VAR ÞÖRF en NÚ ER NAUÐSYN.  Við biðlum til Ríkisstjórnar Íslands að innleiða GIFA -Grunninnkomu fyrir alla (borgaralaun) tafarlaust  og með því gefa öllum þegnum samfélagsins tækifæri til að takast á við þær alvarlegu aðstæður sem skapast í kjölfar COVID faraldursins. GIFA er einfaldasta og skilvirkasta leiðin til að ráða niðurlögum fátæktar á Íslandi til frambúðar. GIFA er mánaðarleg  vísitölutengd grunninnkoma  samkvæmt  lögfestu grunnframfærsluviðmiði sem án skilyrða greiðist til allra jafnt. Ein upphæð, ekkert skrifræði, engin útilokun, ekkert van- hæfnispróf. Með því þarf enginn að reiða sig á niðurnægjandi matargjafir og oft erfitt og íþyngjandi sjálfboðaliðastarf. Hver og einn á að geta keypt/pantað sinn mat og aðrar nauðsynjar í verslun og/eða á netinu, ásamt heimsendingu. Hvað er í veginum? VILJINN virðist augljóslega vera það aleina sem stendur í vegi fyrir að allir landsmenn njóti grunnvelferðar. Leggjumst öll á eitt án hávaða og ásakana, breytum samfélaginu í umhyggjusamfélag sem yfirgnæfandi hluti landsmanna hafa sýnt í aðgerðum, skrifum og tali að þeir kjósi að lifa í, standa með og taka þátt í. Framtíð án Fátæktar skilar sér til alls samfélagsins á jákvæðan hátt.