Kontèks:

Kafoufèy se yon n nan katye nan pòtoprens ki pi pezib, nan ane 80 ak 90 moun Kap obsève te konsidere katye sa tankou yon repozwa parapò ak pozisyon jeografik li ki sitiye anba mò n lopital, a lès ou jwenn 6e seksyon kominal 2e (sikonskripsyon) tijo, nan sid ou jwenn 8e seksyon kominal 3e (sikonskripsyon) ki se matisan ki komanse fò mekredi, kafoufèy sitiye nan mitan. Daprè yon delimitasyon PNUD te fè nan lane 2003 yo te divize katye kafoufèy an 25 blòk.

Kafoufèy se kote anpil moun konn sòti byen lwen vin priye, medite, ekri mizik paske se yon zòn ki te gen anpil frechè. Kafoufèy se yon katye ki te konn enspire anpil tankou Samba Zao, Lòlò boukman Eksperyans, Eddy Francois, Langichat, Lionel St Eloi ak anpil lot moun ankò.

Anpil gro pèsonalite tankou mizisyen, atis pent, aktris sinema ak teyat, fotbolè elatriye rete nan katye sa tankou Sanba Zao, Lionel St Eloi, Jean Remond vodoule, Roodyman, Mario Luma, Bellegarde Jean Givens, Pierresaint Jean-widler, Nelio Joseph, Emeline Michel, Blondedy Ferdinand, Dejavoo Barikad, Gary Pierre Paul Charles, Zikiki Yizreal Band, Dufou, Gary Victor Berman Gay, Stephane Lacroix, Daniel Marcelin, Gary pierre Paul Charles, Zamba Zaopou nou site sa yo Selman

Kafoufèy se yon katye ki pezib anpil ki pa sou enflyans moun ak zam.

Depi aprè gè te fin eklate ant moun ti bwa ak Gran ravin anpil moun ki te rete nan katye sa yo ki nan matisan te kouri vin refije yo nan kafoufèy nan zòn do savann, anba figye savann pistach, nan kajou, jezi mirak, ak yon lokalite kise bò nènèl, sitiyasyon sa vin bay posibilite pou gen enfiltrasyon ak enflyans moun ki gen zam pou vyolans taye banda.

Aprè anviwon 2 lane bandi gran ravin ak ti bwa vin met tèt yo ansanm pou yo atake Sitwayen pezib, konsa, nan dimanch kite 13 out la sitiasyon an te vin dejenere bandi debake nan zone anba figye, do savann, bo nènèl, savann pistach yo boule anpil kay , yo touye anpil inosan ak polisye ki te di yo pap kite kafoufèy pou bandi, men gras ak rezistan polisye kise pitit zòn nan yo di yo pap bay legen yo pap kite zòn nan jiskaske leta di yon mo, nan san sa yon gwoup sitwayen konsekan ak plizyè òganizasyon mete tèt yo ansanm pou yo lanse yon petisyon pou yo di yo pap kouri se pou kafoufèy reviv nan lapè ak serenite.

Objektif:

1- Petisyon sa se pou rive jwen yon echantiyon de 200, 000 siyati ki reprezante 25 blòk ki nan kakoufèy.

2- Pote Pote rezilta petisyon an nan Ministè enteryè, Nan Primati, nan divès òganizasyon kap defann dwa moun yo, nan divès anbasad ki nan kò Gwoup tankou USA, KANADA, LAFRANS, BREZIL, UNESCO, nan Nasyonzini (UN), UNESCO, UNICEF  ak lòt anko.

Pou siyen petisyon an ale sou sou Google ekri petisyon kafoufèy vle viv.

Pou Facebook ale sou Paj paj Facebook petisyon kafoufèy vle viv, Swiv paj la épi Klike sou lyen ki gen rapò ak petisyon an.

Pou enfòmasyon ekri nou nan 

E-mail: petisyonkafoufey@gmail.com

Tel: (509)3173-3882

Men lis patnè yo

Haiti k-se chenn, SOS PATRIYÒT, Konbit jenès 

Men anpil chay pa lou!