Ju lutem mos bëni pagesë, por konsideroni pjesëmarrjen, firmosjen e peticionit dhe shpërndarjen e tij,faleminderit.

Duke qenë se marrëdhëniet diplomatike dhe çështjet gjeopolitike midis vendeve, shteteve të ndryshme të botës, janë shpesh të luhatëshme dhe të ndryshueshme, sipas dinamikave globale, apo interesave të veçanta, emërtimi aktual i "Muzeumit të marrëdhënieve Shqipëri - Izrael" mund të sjellë pasoja të padëshiruara në rast ndryshimi të këtyre marrëdhënieve.

Le të supozojmë se marrëdhëniet midis dy vendeve, Shqipëri dhe Izrael, pësojnë krizë apo prishen në të ardhmen. Çfarë ndodh me simbolin e miqësisë, shprehjen "Besë", në këtë skenar hipotetik? Në një kohë kur histori të ndryshme kanë treguar se marrëdhëniet ndërkombëtare janë fluide dhe të ndikuara nga politika e momentit, a është e drejtë që një emër muzeumi të vendoset mbi bazën e një marrëdhënieje aktuale dhe të ndryshueshme?

Që synimi i një muzeu të tillë të mbetet i qëndrueshëm dhe historia të mos cënohet nga situata gjeopolitike, propozimi ynë është të ndryshohet emërtimi në një tjetër që mund të përfaqësojë vlerat e marrëdhënieve midis dy vendeve. Një ndryshim i tillë do të garantonte respektimin e historisë tonë të pasur dhe unikale, duke mos vendosur në rrezik vlerat e reprezantuara, nga ndonjë anim eventual politik.

Ka shumë mënyra për të respektuar histori të përbashkëta dhe partneritete midis kombeve pa e lidhur atë në një deklaratë që mund të ndryshojë me kalimin e kohës. Bashkohu me ne në nismën tonë për të garantuar që Muzeumi i marrëdhënieve Shqipëri - Izrael, do të qëndrojë si një simbol i qëndrueshëm i marrëdhënieve së dy vendeve.

Firmos këtë peticion për të treguar se mbrojmë vlerat tona historike dhe ndërkombëtare, dhe të sigurohemi që marrëdhënia ndërkombëtare të mos e sfidojë Besën tonë. Firmos tani për të kërkuar ndryshimin e emërimit të Muzeumit të marrëdhënieve Shqipëri - Izrael në një emër që garanton të ardhmen e vlerave tona kulturore.

Duke qenë se marrëdhëniet diplomatike dhe çështjet gjeopolitike midis vendeve, shteteve të ndryshme të botës, janë të luhatëshme të ndryshueshme, sipas dinamikave globale, apo interesave dhe interesave të ndryshme.

Le të supozojmë pra, se marrëdhëniet midis dy vendeve X edhe Y, prishen, çfarë mbetet me Besën, pra, kush do të ishte "Besëpreri" në këtë rast, kush vend, shtet, si do të përcaktohej, dhe kush do ta përcaktonte?

Për këtë arsye Madhore, koncepti, termi Besa, kaq i rëndësishëm, virtyt kardinal komb dhe shtet formues, identifikues i Shqiptarëve dhe Shqiptarizmës, nuk duhet përdorur për emërtimin e një Muzeum të fqinjësisë qoftë Shqipëri - Izrael, apo çfarëdolloj shteti tjetër në planet. Pra ky Koncept, Virtyt Shqiptar, duhet të qëndroi aty ku e ka vendin aty ku i takon në botën dhe sferën Shqiptare.

Ju lutem mos paguani për peticionin por konsideroni firmosjen dhe shpërndarjen e tij.