Nú í október kemur stórmyndin Suffragette í kvikmyndahús erlendis. Myndin segir frá baráttu breskra kvenna fyrir kosningarétti og skartar stjörnum á borð við Helena Bonham Carter, Carey Mulligan og Meryl Streep.

Fyrstu dómarnir lofa góðu:
,,a valuable, vital film about how human rights are won."
**** - The Guardian

,,hot-blooded, riveting"
**** - The Telegraph

Eins og stendur er þó óvíst hvort Suffragette verði sýnd hér á landi. Myndform á sýningaréttinn og fyrirtækið er enn óákveðið hvort það muni setja hana í sýningu á Íslandi. Við trúum ekki öðru en að það sé mikill áhugi fyrir því að fá myndina í íslensk kvikmyndahús. Þá sérstaklega í ljósi þeirrar miklu femínísku vitundarvakningar á liðnu ári, sem og í ljósi þess að í ár fögnum við því að 100 ár eru liðin frá því að íslenskar konur fengu kosningarétt.

Notum rödd okkar og samtakamátt til að hvetja Myndform til að setja Suffragette í sýningu á 100 ára afmælisárinu!

Baráttukveðjur,
Femínistafélag Háskóla Íslands
Kvenréttindafélag Íslands
Femínistafélag Íslands
Knúzið