DOBRES TURNOS EN SOL Y MAR E AMPLIACIÓN DA PONTE PASAXE!!

O Ministerio de Transportes, Movilidad y Agenda Urbana está a colapsar todos os accesos á cidade da Coruña pola deixadez na execución da necesaria obra do túnel de Sol y Mar. Cun retraso de máis de 7 meses desde a sinatura do contrato, iniciaron os traballos en pleno verán, a un ritmo moi lento e sen dobrar turnos de traballo.

Esta importante actuación de pouco servirá para resolver o grave problema de mobilidade se a escasos metros se mantén o embudo na Ponte Pasaxe, polo que unha vez finalizase Sol y Mar o Ministerio debería ampliar a ponte. Neste momento ademais, o Goberno central dispón dunha oportunidade única para defender o interese xeral da área metropolitana da Coruña e pagar a obra da Ponte Pasaxe cos fondos europeos de recuperación.

Por todo isto, esiximos que o señor ministro ordene á empresa adxudicataria da obra de Sol y Mar dobrar turnos de traballo e acelerar o ritmo de construción para reducir os tempos de execución. Ademais, demandamos que o Ministerio de Transportes, Movilidad y Agenda Urbana realice todos os trámites necesarios para contratar a ampliación da Ponte Pasaxe con cargo ao Plan de Recuperación, Transformación y Resiliencia, para que se execute tan pronto como finalice o túnel de Sol y Mar.