Ne, qytetarët e Republikës së Kosovës, me këtë peticion kërkojmë nga institucionet më të larta të vendit – Kryeministri, Presidentja dhe Kuvendi i Republikës – që:

Të ndërmarrin hapa konkretë për mbylljen e Dhomave të Specializuara, të cilat po sjellin padrejtësi ndaj qytetarëve tanë duke i mbajtur me vite pa gjykim të drejtë, jashtë sistemit të drejtësisë sonë sovrane.
Të nisin procesin institucional për rikthimin e emrit të lashtë të shtetit tonë – DARDANIA – si simbol i identitetit kombëtar, rrënjëve tona ilire dhe krenarisë sonë historike.
Kosova ka gjykata funksionale dhe polici profesionale. Nuk ka më nevojë për struktura të jashtme që minojnë sovranitetin dhe dinjitetin tonë si shtet.

Apelojmë që zëri i qytetarëve të dëgjohet. Drejtësia dhe identiteti janë themelet e çdo shteti demokratik.

Firmosni këtë peticion për një Kosovë të drejtë, sovrane dhe krenare – për një DARDANI që e meriton të jetojë me dinjitet.