Albi Mall është një qendër e madhe tregtare si dhe njëri ndër vendet më të frekuentuar në Kosovë, ku ka pothuajse çdo gjë që të nevojitet. Po ashtu, është një vend familjar, aty ku mund të kalosh pjesën më të madhe të ditës, por përskaj këtyre aspekteve pozitive, është evidente se i mungon një dhomë e lutjes/faljes (mesxhid).
Ne që falemi, kemi vërtetë nevojë për një dhomë të tillë që të mos na duhet të dalim çdo herë në një xhami dhe pastaj të kthehemi të kërkojmë përsëri vendparkim, e rrjedhimisht të humbasim kohë pa nevojë. Ka edhe shumë arsye të tjera për të pasur një dhomë lutjesh në një qendër të madhe siç është Albi Mall, por të cilat nuk mund të përmbledhen të gjitha në një shkresë të vogël si kjo.
Ajo që vlen të ceket, është se një dhomë të tillë mund t'a gjesh në qendra të ndryshme tregtare botërore, andaj posedimi i një hapësire të tillë, do ishte vlerë e shtuar për këtë vend.