Scrìvete a ‘sta questua p’ ‘a lengua valenziana p'addimannà ê pulitece bbalenziane 'e vuttà ‘e mmane pe ddefènnere ‘a lengua valenziana e pp' ‘a mantènnere ‘ncopp’ô uèbbe, dint'ê ccarte afficiale, traduzzione d’ ‘e filme furastiére e llibbre, ‘a reclamma .. .
Pe ddefènnere ‘a deverzità, ‘o rispetto, pe ssarvà ‘a lengua nosta, p’ ‘o deritto ca c'arrecunosce ‘o Statuto ‘e campà â manera bbalenziana p' ‘a parlà comme se deve â casa e mmiezz' â via, p’ ‘a dignità d' ‘a cultura nosta sfravecata e dd' ‘o puópolo nuosto scamazzato.
A Vvalencia stammo sotto ô paccaro 'e chille ca se vonno fa passà comme ‘e Paìse Catalane,accummencianno p’ ‘ a Curtura, (Video: ‘a vìa p' ‘e paìse catalane )
Picció, vulimmo passà ‘sta dimmanna ‘na vota e ppe ssempe â Generalitat Valenciana e ô cuverno spagnuólo che;
A Vvalencia e pp’ ‘o riesto d’ ‘a «Comunitat», vulessemo ca na cosa fosse ‘ o bbalenziano e n'ata ‘o ccatalano accummincianno ‘a ffà:
- Scumparé ll'Accademmia Valenciana d' ‘a Lengua "AVL". ‘a lluvà ‘a miezo ‘e rrecule d’ ‘o Castelló d'’o '32", ca so'ffatte â manera catalana. Passà tutte cose â Real Accademia di Cultura Valenciana "RACV". Turnanno ô pprincipio, ô Statuto ‘e ll'Autonomia nuósto. Ca è stato cagnato piglianno pe cculo a ttutte ‘e valenziane, mettènno mmiezzo 'o "Patto d’ ‘o majestic" 'o "Patto 'e Reus".
- Accummincià a ffravecà pe ‘na Cattedra 'e Lengua Valenziana (turnanno a cchella d’ ‘o 1918 siconno ‘a lezziona d’ ‘o granne Prufessore e sturiuso d' ‘a lengua nosta, ‘o valenziano, Sig.Lluis Fullana), dint’ a ll’ auniverzità valenziane, cunfromme ê llégge d' ‘o “El Puig”. "E ccrìanno 'a Facultà ‘e Filologia Valenziana 'int'â ttutte a ll'auniverzità pe tterra ‘e Valenzia.
- Reggistrà ‘o codiscio ISO. Mettere ‘o bbalenziano ‘int'ê ppaggine ‘ntèrnette, browser, sisteme oberazziunale ‘e cuncegne elettroniche comme a Android, IOS o Windows. Pure 'int'a ll' APP ca cchiú s'ausano, d’ ‘e bbanche,’o cummercio internette , ‘e ccose ‘e legge e ll'amministrazione pubblica , social network, ecc.
- dà bbuono uócchio a cche ‘int’ê ppagine uèbbe comme a Wikipedia, Cervantes Virtual , ecc., ‘e maste e ‘e scritture d’ ‘ a curtura valenciana, come Ausias March, Isabel de Villena,ecc. nun se facessero passà comme a ccatalane,comme spisso succere.

-E 'ncezzanno e ppurtanno ‘ngroria ‘mmece ll'ebbreca d'oro d’ ‘a lengua valenziana "comme ‘na cosa diversa d' ‘a litteratura catalana. Pecché, tutte ‘chilli stroloche nuoste sempe dicettero ‘e scrivere a llengua valenziana, e nno catalano.
Addìmannammo pure ca ‘a fernite ‘e addurmì ‘a capa d' ‘a ggente nosta e ammiscà e ‘mbruglià ‘a lengua valenciana facennola cagnà ‘e addeventà chello ca maje è stata.
Nce mettimmo contro ê strunzate comme a ll'urdima reclamma pan-catalana d' ‘a Plataforma p' ‘a Llengua (catalana) pecché scancella ‘o deritto nuosto ‘e secutà ‘a êsse' valenziane e ccampà â manera valenziana, pure si ‘e catalane nce provano ògne mmumento.
Fà finta ca ‘a lengua valenziana è ‘na cosa bbona d’ ‘a "lengua catalana" vó dicere a cce ppiglià pe cculo : 'o fatto è mmece c’accussì nun se respetta ‘o mmeglio d’ ‘ o bbalenziano e sse mètte ‘sta lengua mmano ô ccatalano standard. Fà passà pe ‘na cosa malamente chello ca vulimmo, "’o smullechià”, comme vuje dicite, vó dicere mmece ca vulite jì contro 'o deritto d’ ‘e valenziane ‘e arreclà, mèttere a pposto,defènnere, purtà annanze ‘a lengua nosta, senza ca nisciuno se mette mmiezo cu ppreputenzia e nce rompe ‘o cammese. O ô bbalenziano lle s'assecura degnità ‘e lengua (comme succede cu ‘o ggarizziano verzo ô purtuchese, ‘o nurveggese rispetto ô danese e a ttante ati lengue) o nun sarrà cchiú Valenziano.
‘O Valenziano nun è nu dialetto. ‘O Valenciano è stato, è e secuta a êsse' na lengua.
Valenziana, valenziano, amante d’ ‘a libbertà e dd’ ‘a diverzità a ffronte ô totalitarismo, firma cca!
@llibertadors #llibertadors