ПАНОРАМСКОТО ТРКАЛО НЕ СМЕЕ ДА СЕ ИЗГРАДИ

Оваа петиција досега ја потпишаа 7.000 македонски граѓани. Обединети сме со иста цел - да ја запреме иградбата на "тркалото на лудоста" кое што според сегашните проценки ќе чини 19,6 милиони евра - доволно за да се изгради најсовемена болница, или дури и неколку училишта. Иако градежните работи околу овој проект се веќе почнати, можеме да им ставиме крај доколку останеме сплотени и посветени на целта. Затоа не запирајте - пратете ја петицијава барем на неколку пријатели, замолете ги да ја потпишат и споделат понатаму. Да видиме колку сме, и да покажеме дека можеме да се организираме сами, натпартиски и вон институциите! Петицијата ќе ја доставиме до Градоначалникот на почетокот на 2017, како "честитка" со која што ќе му ставиме до знаење дека ова ирационално трошење на позајмени пари мора да престане. Доколку го игнорира нашето барање, ќе следат други, конкретни акции. Ако не сега - кога? Ако не ние - кој?