Asina por unha Intermodal Digna para Ourense

0 personas han firmado. ¡Ayuda a conseguir 7.500!


Ourense é a terceira cidade de Galicia en poboación. Ademais da xente que vive na cidade a Estación Intermodal dará servizo a unha área na que viven máis de 300.000 persoas e será a porta de entrada da xente que nos visite.

Non temos porto nin aeroporto, polo que o camiño de ferro e a Intermodal son a principal infraestrutura de comunicación de Ourense.

Esta obra é a máis importante dos vindeiros 100 anos en materia de transporte e comunicación, e non podemos permitirnos unha mala planificación que a deixe insuficiente e obsoleta en poucos anos, como acontece coa actual estación de autobuses.

O proxecto inicial ubicaba as vías ao norte da actual estación, liberando espazo para a cidade e favorecendo a mobilidade e conexión entre os barrios.

Pero a actual mixtura de tres proxectos distintos presentado por ADIF e a Xunta, condena ao barrio a permanecer dividido, e vai provocar un caos circulatorio na contorna da estación. Está actuación propón grandes muros, escaleiras e circulación de autobuses ao redor dun centro de saúde.

Por isto solicitamos á Consellería de Infraestruturas e Mobilidade, a ADIF, ao Ministerio de Transportes e ao Concello de Ourense que se rectifique o proxecto e se volte ao inicialmente previsto.

Porque Ourense merece unha Estación Intermodal Digna. Nin máis nin menos.