Stoppt d'Zerstéierung vum "Charactère Rural" vun eisen Dierfer. Et sinn an den leschten 5 Joer an der Gemeng Kielen ze vill historesch Gebaier ouni Récksiicht op hier Architektur ofgerappt ginn fir Neibauten ze bauen. Vill vun dësen Bauten hätten kennen renovéiert ginn fir déi nämmlecht Funktioun ze erfëllen. Duerch déi systematesch Zerstéierung verléieren eis Dierfer hier Identitéit an hier Geschicht. Wann mir net um Gemengen Niveau aktiv ginn an den Schutz vun den erhalenswäerten Gebaier fuerderen, dann as et an e puer Joer ze spéit. Mat dëser Petitioun fuerderen mir eis Gemeng endlech ze reagéieren wei et schonn vill aner Gemengen zu Lëtzebuerg gemaach hunn.