Komnar yfir 1500 undirskriftir

Takk öll. Þið hafið staðið ykkur frábærlega. Á einum og hálfum sólarhring höfum við safnað yfir 1500 undirskriftum. Það er bara hinn ágætasti árangur. Það birtist m.a. grein um söfnunina á visir.is eftir að ég sendi út fréttatilkynningu í dag. Baráttan er að skila árangri. Bæði með þessari söfnun og öðrum aðferðum sem við höfum beitt síðustu daga. Fram eru komnar breytingartillögur sem lagfæra frumvarpið mikið og búið að semja um þær margar. Á morgun dregur svo vonandi til tíðinda um framhaldið. Það þýðir samt ekki að við getum slakað á. Höldum endilega áfram að deila og hvetja fólk til að skrifa undir. Við hættum ekki fyrr en málinu lýkur.