For english scroll down

საქართველოში აშშ-ის ელჩს, ქალბატონ კელი დეგნანს

ევროკავშირის ელჩს, ბატონ კარლ ჰარცელს

სრულიად დიპლომატიურ კორპუსს

საქართველოს მოქალაქეების მიმართვა

საქართველო ამჟამად არის უმძიმეს კრიზისში. ეკონომიკურ დაღმასვლასთან ერთად, გვაქვს სრული პოლიტიკური ჩიხი, საიდანაც გამოსავალი არ ჩანს. საქართველოს მესამე პრეზიდენტი, მიხეილ სააკაშვილი, არის დაპატიმრებული და შიმშილობს, პარლამენტის წევრი ელენე ხოშტარია ყოფილი პრეზიდენტის საავადმყოფოში გადაყვანის მოთხოვნით შიმშილობს, პარლამენტის ათი წევრი მოშიმშილეებისადმი სოლიდარობის ნიშნად შიმშილობს, მომღერალი პაატა ბურჭულაძე საპრეზიდენტო ბიბლიოთეკაში შიმშილობს, ათობით აქტივისტი საქართველოს სხვადასხვა რეგიონში შიმშილობს, საზოგადოება პოლარიზებულია და ნებისმიერ დროს მოსალოდნელია ვითარება მოულოდნელი და ქვეყნისთვის დამაზიანებელი სცენარით განვითარდეს.

მიუხედავად ექიმების, სახელოვნებო წრეების, მეცნიერებისა და საზოგადოების სხვადასხვა სფეროს წარმომადგენლების მიმართვისა, მიხეილ სააკაშვილი საავადმყოფოში არ გადაჰყავთ, მისი პირადი ექიმის, სახალხო დამცველის და ჯანდაცვის მინისტრის მოადგილის მტკიცებით კი, ციხის საავადმყოფოში მისი სიცოცხლის გადარჩენის შანსი მცირეა, რადგან ციხის კლინიკას არ აქვს მულტიპროფილური ფუნქციები, რაც აუცილებელია შიმშილის შემდგომი რეაბილიტაციის პერიოდის გასავლელად.

გთხოვთ, გაითვალისწინოთ ჩვენი თხოვნა და პირადად შეამოწმოთ მოშიმშილეთა პირობები, რათა თავი დავიზღვიოთ იმ დამანგრეველი სცენარისგან, რომელიც ემუქრება ქვეყანას რომელიმე მათგანის სიცოცხლისთვის ზიანის შექმნის შემთხვევაში.

ჩვენ არ ვართ პოლიტიკოსები, ჩვენ სხვადასხვა პოლიტიკური პრეფერენციები გვაქვს, მაგრამ ამ საკითხში ერთიანნი ვართ: სამოქალაქო დაპირისპირებას საქართველო ვეღარ გაუძლებს, ყველაფერი კი სწორედ აქეთკენ მიდის. გთხოვთ შეიტანოთ თქვენი წვლილი ამ სცენარის არიდებაში.

პატივისცემით

U.S. Ambassador to Georgia, Ms. Kelly Degnan
European Union Ambassador Mr. Karl Hartzel
The entire diplomatic corps

Appeal from the citizens of Georgia

Georgia is currently experiencing its gravest crisis. With the economic downturn, we have a complete political stalemate from which there is no way out. Georgia's third president Mikhail Saakashvili is under arrest and on hunger strike. MP Elene Khoshtaria has declared a hunger strike, demanding that the former president be hospitalized. The situation is expected to develop in an unpredictable and destructive scenario for the country.

Despite appeals by doctors, artists, scholars and the public, Mikhail Saakashvili is not being sent to the hospital. However, his personal physician, ombudsman and deputy health minister say that his chances of survival are slim, since the prison clinic does not perform multidisciplinary functions. It is necessary to undergo a period of post-starvation rehabilitation.

Please consider our request and personally check the conditions of the hunger strike to avoid the destructive scenario that threatens the country if any of their lives are harmed.

We are not politicians, we have different political preferences, but we are united on this issue: Georgia can no longer withstand the feuding, and this is where things go wrong. Please help us avoid this scenario.