عريضة بخصوص المنحة الجامعية

0 a signé. Prochain objectif : 5 000 !


هذه المبادرة اطلقها طلبة بمختلف توجهاتهم ولا مجال لأي طرف من السيطرة عليها 

1380د بورص ,500د منحة إدماج ,300 د مساعداتاجتماعية ،120 د مساعدات إجتماعية ......

تخيل عزيز القارئ في ضل الفلوس هاذي لكل طالب من عائلة متوسطة كأغلب عائلات الطلبة (مهنة الاب موظف) لا طبيب لا استاذ لا محامي .... يتم رفض جميع المطالب اللي قدمها لتمتع بأحد هاذي المنح. و السبب هو الدخل السنوي يتجاوز 4890د ، هذا ما يدل على انو نعيشو في دولة حقيرة لدرجة غريبة جداً. صحيح برشا عباد الدخل السنوي متاع ولديهم يتجاوز الرقم هذا لكن هل خذيتو بعين الإعتبار السيد اللي واخذ قرض بناء و يقصو عليه اقل شئ في 150د شهريا, هل خذيتو بعين الاعتبار الموظف البسيط اللي واخذ 2 و 3 قروض صغرة باش يعيش عائلتو في ضل الضروف الاقتصادية للبلاد و غلاء المعيشة و الترفيع المستمر للأسعار و يخلص في اقل قرض 70د شهريا، هل خذيتو بعين الاعتبار الموظف اللي مزال يعيش في دار كراء و يخلص اقل شي 350د شهريا هل خذيتو بعين الاعتبار الموظف اللي عندو زوز تلامذة و طالب قداش يصرف عليهم شهريا اقل شي (500د) !!!!
أولاً اولاد الموظفين هوما أولاد الطبقة الشغيلة علاش ولد رجل الأعمال في تونس ياخذ بورص و علاش"ابناء رجال التعليم" بنسبة 80% لكل ياخذو بورص و ولد الزوالي مايخذ شي يبقى يتفرج عليكم تسرقو فيه عيني عينك مانيش نقسم بين الطلبة لكن فقط للمقارنة خاطر كان جات الدنيا دنيا اي طالب في الجامعة التونسية عندو لحق في المنحة الجامعية .
البورص و المنح الجامعية موضوع متاع تحيل كبير و سرقة عظيمة تسرق فيها الدولة لشعبها لكن شكون عندو الجرأة باش يتكلم ولا يجبد الموضع هذا في الاعلام و لا غيرو .... للأسف حتى حد ما ينجم يتكلم على هذاكا باش يبقو يسرقو فينا لاخر الدنيا.
ملاحظة : ٍٍكي ناس الكل موافقة علاش ما نبدوش بهاشتاغ #سيب_البورص باش تتنشر و بعديكا نمشوا و نصعدوا <3
انشروها في جروبات، في بروفيلاتكم، في كومنتارات الإذاعات.... خلي يوليو يقراولنا ألف حساب