عريضة مرفوعة إلى صاحب الجلالة الملك محمد السادس نصره الله، نلتمس من خلالها تمكين حزب اليمين المغربي من المشاركة القانونية في المشهد السياسي المغربي

من المتضرر: المتضررون هم المغاربة اللي ما لقاوش فالمشهد السياسي حزب كيدافع بوضوح على الهوية المغربية والسيادة الوطنية والملكية، وكيواجه المشاكل الحقيقية بحلول مبتكرة، ماشي غير بالهضرة

اليوم، العديد من أحزاب اليسار واليسار الراديكالي حاضرة فالمشهد السياسي المغربي، وحنا كنتمنّاو من صاحب الجلالة يسمح للديمقراطية المغربية تكون كاملة، ويفتح الباب حتى لليمين المتطرف باش ياخذ بلاصتو السياسية ويدافع على الهوية المغربية اللي ولات كتضيع بين ثقافة «اليقظة أو الووك» المستوردة وبعض الإيديولوجيات المشرقية والثقافة الكوفية، اللي ولات كتشكل تهديداً للهوية والأمن القومي

بعد 27 عام مرّو وتداولت فيها خمسة ديال الأحزاب على الحكم، من اليوسفي وجطو والفاسي إلى بنكيران والعثماني وأخنوش والمنصوري، وفالأخير كانت النتيجة كارثة سبتة، والمغاربة تضررو من وجود 36 حزب كيعيدو نفس الخطابات والوعود، بلا حلول يقدر يحس بيها المواطن

أينشتاين كيقول: «الغباء هو أنك تدير نفس الشيء وتستنى نتيجة مختلفة»، وحنا ماشي نفس الشيء، حزب اليمين المغربي جاي يتفوق عليهم كاملين بالأفكار والابتكار والعمل

الحزب غادي يواجه الهجرة وأزمة الهوية الوطنية والتغير المناخي ومشاكل التعليم والصحة والاقتصاد بطرق جديدة: كنحددو المشكل، كنصممو الحل، كنبنيو نموذجاً أولياً، كنجربوه، وكنقيسو النتيجة قدّام المغاربة

المغاربة ما محتاجينش حزب آخر ديال الهضرة، محتاجين حزب ديال الابتكار والحلول والنتائج

المرجو دعم هذه العريضة والتوقيع عليها