بدينار نقضي عالفقر في بلادي

هي مبادرة شعبية أطلقناها بهدف حث الحكومة التونسية على إحداث هيكل حكومي مهمته خصم دينار واحد شهريا من راتب كل موظف يفوق أجره الحد الأدنى للأجور في تونس و من ثم التصرف في هاته الأموال بتقديمها في شكل قروض إستثمارية صغيرة و متوسطة للباعثين الشبان و المعطلين عن العمل بدون اي فوائد و بشروط معقولة 

و نطالب نحن الممضون على هاته العريضة في حال تبني و تطبيق مقترحنا بأن يكون تصرف الهيكل الحكومي المعني في أموال التبرعات و في طريقة إسناد القروض شفافا و تحت المراقبة المباشرة للمجتمع المدني و الهيئات الرقابية الحكومية على حد سواء و أن يتم نشر تقارير دورية لتبيان نشاط الهيكل بالتفصيل 

أما بالنسبة لشعبنا فنقول

أيها التونسيين المواطنة و الإنتماء مش كلام و الحياة تحت سقف وطن واحد تحتم علينا نحسوا ببعضنا و تحتم علينا نكونوا جسد واحد إذا إشتكى منه عضو تتدعى له بقية الأعضاء بالسهر و الحمى 

يا أخواني لكم أخوة لا يجدون ثمن رغيف الخبز إذا هم جاعوا و لا ثمن الدواء إذا هم مرضوا فبربكم هل تحلو لكم اللقمة و أنتم تعلمون أن إخوانكم جوعا ؟ هل ترضى الجوع لإبنك ؟ 

يا إخواني دينار تدفعه في الدنيا يدفع الله به عنك كرب يوم القيامة ، دينار واحد كل شهر يعني 12 دينار كل سنة فهل هي كثيرة على تونسي مثلك ؟

و الله الحياة هاذي لا معنى لها لو أنا نخدم و ناكل و أخي معطل و جائع يموت كل يوم ألف مرة قهرا و ذلا 

كلنا توانسة و بكلنا خوات و الواقع نغيروه بيدينا مش بالكلام و قادرين و حملنا مبعضنا نهزوه و بلادنا حجرة حجرة نبنيوها خاطر سقفها إذا طاح يطيح على ريوسنا الكل و الإرهاب إلي سببه الفقر و الظلم و التهميش في بلادنا بدينار نقضي عليه و غدوة خير و تحيا بلادي تحيا تونس إلي ذكر إسمها برك يبكي حبا و عشقا 

تونس أولا و أخيرا و إلى الأبد