Град Скопје објави конкурс за летна сцена со парк на местото на Универзална сала.

Со овој конкурс се бара идејно решение за локацијата на која се наоѓа сега Универзалната сала, кое по нејзиното рушење треба да добие намена на микро парк (хортикултурно уредување и отворена сцена ????).

Убаво е ако градот сака да изгради нова поголема и поубава универзална сала на поубаво место(!!!), ама да се уништи култниот скопски репер стар скоро 60 години, а да се изгради парк со микро димензии и отворена сала со дискутабилна употребна вредност е луксуз без никаква логика.

На нашата Универзална сала мора да се најдат средства да и се врати функционалност макар и со драматично намалени капацитети, ако ништо друго заради оние малку скопјани на кои таа градба ни значи, заради симболот на солидарноста, за да се спречи перманентната интенција да се руши се што во градот значи каков таков историски континуитет и за да прекине тенденција Скопје да се обезличува од центри на кои Скопје им е место од кое си заминуваат дома секој слободен викенд и празник.