Повеќе од една година во државата не функционира механизмот за заштита на правото за слободен пристап до информации од јавен карактер, поради: одложување на изборот на членови на Комисијата за заштита на правото на слободен пристап до информации од јавен карактер; и пролонгирање на процесот на трансформација на Комисијата во Агенција. 

Без функционирање на Агенцијата за заштита на правото на слободен пристап до информации од јавен карактер, граѓаните го немаат сојузникот во обезбедување на информации за работењето на јавните институции, односно ова би значело дека истите нема каде да се пожалат доколку јавните институции не им обезбедуваат информации  со што ги оневозможуваат да го остварат своето уставно загарантирано право. 

Бараме од Собранието на РСМ во најкраток можен рок да именува директор и заменик директор на Агенцијата и со тоа да ги создаде основните услови за нејзиното функционирање.