Simula Disyembre 1, magkakabisa na ang bagong resolusyon ng IATF - ang Resolution 148B na nagrerequire ng bakuna sa mga manggagawa sa iba’t ibang mga trabaho, at maging sa mga konsyumer sa iba’t ibang establisimyento. Tinututulan natin ang namimilit at nanggigipit na resolusyong ito.

Ang paggawang mandatory sa bakuna at ang kaakibat na mga resolusyon dito hinggil sa trabaho ay labag sa karapatan sa trabaho (right to work), freedom of choice (kalayaang pumili), at discriminatory sa mga di pa nababakunahan sa iba’t ibang dahilan.

Sa mga probisyon, may apat tayong pangunahing tinututulan.

1. Required magpabakuna ang mga manggagawa na may trabaho onsite sa mga erya na itatakdang may “sufficient” o nakasasapat na suplay ng bakuna. Kung sakaling di bakunado, sariling gastos ng manggagawa ang mandatory RT-PCR o antigen test.
2. Required na “fully vaccinated” ang mga drayber, konduktor at iba pang empleyado sa public transport upang makapagpatuloy sa trabaho, pasada at operasyon.
3. Pwedeng di papasukin o tanggihan ng serbisyo sa mga establisyimento, pribado man o publiko, ang mga di bakunado.
4. Hindi prayoridad sa serbisyo at programa ng gobyerno ang mga di bakunado.

ANG BUONG RESOLUSYON DITO: https://mirror.officialgazette.gov.ph/2021/11/11/resolution-no-148-b-s-2021/

Panawagan namin sa IATF at sa DOLE na ibasura ang IATF Resolution 148B at itaguyod ang karapatan ng mga manggagawa at mamamayan. Panawagan namin sa mamamayan na magkaisa at kumilos upang depensahan ang trabaho at karapatang pantao.

Junk IATF Resolution 148B!

Trabaho, hindi panggigipit!