RENFE ven de anunciar o pasado 1 de agosto a apertura en Madrid dunha oficina de atención ás persoas afectadas polo accidente do tren Alvia do día 24 de xullo de 2013.

Nós, cremos que iso é un problema, xa que a maioría das persoas falecidas e as vítimas do accidente son galegas.

Ademáis, aínda hai persoas ingresadas no Complexo Hospitalario Universitario de Santiago de Compostela. Sendo o obxectivo da apertura desta oficina dar de forma integral tanto información como atención para facilitar a realización dos distintos trámites, así como calquera dúbida ou consulta que poda ser necesaria, como información para desprazamentos, cobertura do seguro, etc., o feito de que moitos dos afectados estean en Galicia, fai patente a necesidade de que se lles preste unha atención moito máis cerca.

Ao efecto de iniciar os trámites derivados da cobertura do Seguro Obrigatorio de Viaxeiros, a propia RENFE-Operadora indica que o ten contratado coa aseguradora Allianz, e que as persoas afectadas poden dirixirse á Oficina Provisioria de Allianz na estación de Santiago de Compostela. De verdade van ter que viaxar as víctimas entre Madrid e Santiago, para completar un trámite xa de por si doloroso, pola situación?

A recollida de equipaxes e de pertenzas persoais das persoas afectadas no devandito accidente debe facerse na Comisaría da Policía Nacional de Santiago de Compostela.