ಬಾಳೆಕುದ್ರು ಶ್ರೀಮಠ: ಸನ್ನ್ಯಾಸ ದೀಕ್ಷೆ ಮಠದ ಹೊರಗೆ ಏಕೆ? ಸಮಗ್ರ ವರದಿ ವೀಕ್ಷಿಸಿ

ಆತ್ಮೀಯ ಬೆಂಬಲಿಗರೇ,

ಬಾಳೆಕುದ್ರು ಶ್ರೀಮಠದ ಕುರಿತ ನಮ್ಮ ಮನವಿಗೆ ಸಹಿ ಮಾಡಿ ಬೆಂಬಲಿಸಿದ ನಿಮ್ಮೆಲ್ಲರಿಗೂ ಹೃತ್ಪೂರ್ವಕ ಧನ್ಯವಾದಗಳು.

ಉತ್ತರಾಧಿಕಾರಿ ಶಿಷ್ಯ ಸ್ವೀಕಾರ ಮತ್ತು ಸನ್ನ್ಯಾಸ ದೀಕ್ಷೆಯ ಪ್ರಕ್ರಿಯೆ ಕುರಿತು ಸಮಗ್ರ ಕನ್ನಡ ವಿಶ್ಲೇಷಣಾ ವರದಿ ಈಗ ಪ್ರಕಟವಾಗಿದೆ.

▶ ಸಂಪೂರ್ಣ ವರದಿ ಇಲ್ಲಿ ವೀಕ್ಷಿಸಿ

ಮಠ ಬಿಟ್ಟು ಬೇರೆಡೆ ಈ ಪ್ರಕ್ರಿಯೆ ಏಕೆ ನಡೆಯಿತು? ಸಂಬಂಧಪಟ್ಟ ಶಿಷ್ಯರಿಗೆ ಮುಂಚಿತವಾಗಿ ಮಾಹಿತಿ ನೀಡಲಾಗಿತ್ತೇ? ಈ ಪ್ರಕ್ರಿಯೆಯಲ್ಲಿ ಯಾರ ಪಾತ್ರವಿತ್ತು? ದಾಖಲೆಗಳು ಏನು ಹೇಳುತ್ತವೆ?

ಈ ಪ್ರಶ್ನೆಗಳ ಹಿನ್ನೆಲೆಯನ್ನು ತಿಳಿಸುವ ದಿನಾಂಕವಾರು ದಾಖಲೆಗಳು, ಅಧಿಕೃತ ಪ್ರಕಟಣೆಗಳು, ಸಮಾರಂಭದ ಚಿತ್ರಗಳು ಮತ್ತು ವಿಡಿಯೋಗಳು, ಸಾಮಾಜಿಕ ಜಾಲತಾಣಗಳ ಪೋಸ್ಟ್‌ಗಳು ಹಾಗೂ ವಿಕಿಪೀಡಿಯಾದ ಸಂಪಾದನಾ ಇತಿಹಾಸವನ್ನು ವರದಿಯಲ್ಲಿ ಪರಿಶೀಲಿಸಲಾಗಿದೆ. ಆಕಾಶ್ ವಿಶ್ವಾಮಿತ್ರರು ಬಾಳೆಕುದ್ರು ಸನ್ನ್ಯಾಸ ಸ್ವೀಕಾರದ ಸಂದರ್ಭವನ್ನು ಸ್ಮರಿಸುತ್ತಾ ಮಾತನಾಡಿರುವ ಮೂಲ ವಿಡಿಯೋದ ಆಯ್ದ ಭಾಗವನ್ನೂ ಸೇರಿಸಲಾಗಿದೆ.

ನಮ್ಮ ಆಗ್ರಹ ಸ್ಪಷ್ಟವಾಗಿದೆ: ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ, ಸಂಬಂಧಪಟ್ಟವರಿಂದ ದಾಖಲೆಸಹಿತ ಸ್ಪಷ್ಟನೆ ಮತ್ತು ಹೊಣೆಗಾರಿಕೆ.

ಪ್ರತಿಯೊಂದು ದಾಖಲೆಯೂ ಘಟನೆಯ ಹಿನ್ನೆಲೆಯ ಒಂದು ಭಾಗವನ್ನು ತಿಳಿಸುತ್ತದೆ. ಸಂಪೂರ್ಣ ಸಂದರ್ಭವನ್ನು ಅರಿಯಲು ವರದಿಯನ್ನು ಕೊನೆಯವರೆಗೂ ವೀಕ್ಷಿಸಿ. ಸಂಬಂಧಿತ ಹೆಚ್ಚುವರಿ ದಾಖಲೆಗಳು ಅಥವಾ ತಿದ್ದುಪಡಿಗಳಿದ್ದರೆ ನಮ್ಮೊಂದಿಗೆ ಹಂಚಿಕೊಳ್ಳಿ.

ಈ ವರದಿ ಮತ್ತು ಮನವಿಯನ್ನು ಶಿಷ್ಯರು, ಭಕ್ತರು ಹಾಗೂ ಪರಿಚಿತರೊಂದಿಗೆ ಹಂಚಿಕೊಳ್ಳಿ. ಇನ್ನೂ ಸಹಿ ಮಾಡದವರನ್ನು ಮನವಿಯನ್ನು ಓದಿ ಬೆಂಬಲಿಸಲು ಆಹ್ವಾನಿಸಿ:
https://www.change.org/balekudru_peetha_thyaga

ನಿಮ್ಮ ಬೆಂಬಲಕ್ಕೆ ಮತ್ತೊಮ್ಮೆ ಧನ್ಯವಾದಗಳು.

ಬಾಳೆಕುದ್ರು ಶ್ರೀಮಠ ಹಿತರಕ್ಷಣಾ ಸಮಿತಿ (ರಿ.)