FR - EN - RU - ES - PT

Խնդրագիր ՄԱԿ-ի Անվտանգության խորհրդին՝ անհապաղ դատական պատասխանատվության ենթարկելու Արցախում հայերի բնաջնջման պատասխանատուներին

Նկատի առնելով խաղաղության և միջազգային անվտանգության գլխին կախված սպառնալիքը, որը իրենից ներկայացնում է Արցախի հայերի էթնիկական զտումն ու պատերազմը, բնակչության և քաղաքացիական ենթակառուցվածքների ռմբակոծումը, ինչպես նաև նրանց դեմ կասետային զենքերի և ռումբերի կիրառումը, Սիրիայից և Լիբիայից ահաբեկչական խմբերի տեղափոխումն Ադրբեջան՝ Արցախի հայերին ահաբեկելու և վտարելու նպատակով, արցախցի ավելի քան 90 000 հայերի ստիպողական զանգվածային արտագաղթը՝ սեփական կյանքը փրկելու համար,

Նկատի առնելով ադրբեջանական և թուրքական իրավական կառույցների բացահայտ անպատրաստակամությունը՝ հետաքննելու, հետապնդելու և դատական պատասխատատվության ենթարկելու վերոնշյալ ոճրագործությունների հեղինակներին,
Այս խնդրագրի ստորագրողները խնդրում են ՄԱԿ-ի Անվտանգության խորհրդին՝ ելնելով ՄԱԿ-ի կանոնադրության VII գլխով նախատեսված կետերից,

1. Դիմել Միջազգային քրեական դատարանի Դատախազին, հիմնվելով Հռոմի կանոնադրության 13 – բ կետի վրա, հետաքննելու, հետապնդելու և դատական պատասխանատվության ենթարկելու 2020թ. – ի սեպտեմբերի 27-ից ի վեր Արցախում ցեղասպանության ոճրի, մարդկության դեմ ոճրագործության և պատերազմական ոճրագործությունների հեղինակներին, հանցակիցներին ու պատվիրատուներին, ինչպես նախատեսված է Հռոմի կանոնադրության 5-րդ կետով,
2. Ստեղծել միջազգային քրեական հատուկ ատյան՝ հետաքննելու, հետապնդելու և դատական պատասխանատվության ենթարկելու 2020թ. – ի սեպտեմբերի 27-ից ի վեր Սիրիայից և Լիբիայից ուղարկված ահաբեկչական խմբերի կողմից Արցախում իրականացրած ահաբեկչական ոճրագործության հեղինակներին, հանցակիցներին և պատվիրատուներին