Non temos un transporte público axeitado para os nosos centros escolares na contorna do Meixueiro do concello de Vigo.

O transporte público urbano da empresa VITRASA resulta insuficiente, e a frecuencia horaria non resolve a chegada do alumnado aos centros, con percorridos moi longos que non se axustan ao horario lectivo, tendo que chegar 15 minutos tarde ás entradas das clases e saír 10 minutos antes de rematar a última sesión da maña. Pérdese unha media hora lectiva diaria, que no caso do alumnado de bacharelato resulta grave.

Para que isto non continúe acontecendo pedimos ás entidades responsables do transporte público que se poña remedio a este problema.

Dende a comunidade educativa apostamos polo transporte público colectivo eficiente, e que sexa unha alternativa real ao transporte privado.

A nosa cidade precisa conexións da súa periferia eficaces, sen obrigar a acudir ao centro urbano para poder desprazarse entre as parroquias da contorna urbana.

Por todo isto agradecemos a túa colaboración.

Melloremos entre todos os transporte público.